onderhou deur BlueTek

+27 (18) 297 0164 verkope@spel.co.za

Veel Voorkomende Vrae

  • My speltoetser wil nie werk nie. Wat is verkeerd?

    Die speltoetser werk slegs op Microsoft® Office en vereis Microsoft® Windows as bedryfstelsel. Die speltoetser sal nie op Open Office of Office for MAC werk nie. Verwys na die minimum vereistes by produkinligting

  • Ek het die speltoetser geïnstalleer, maar sien nie die ikoon of ‘n manier om die speltoetser te aktiveer nie?

    Die Afrikaanse speltoetser is, net soos die Engelse speltoetser, ʼn inprop-program wat in Microsoft® Office werk. Jy hoef dus nie die speltoetser oop te maak of ʼn aksie uit te voer om die speltoetser te aktiveer nie. Jy moet bloot die teks wat van toepassing is merk en jou taal verander na Afrikaans om die speltoetser te aktiveer. Die taal kan verander word deur te dubbel-klik op die taal wat aangedui word in die middel aan die onderkant van MS Word, op die statusbalk (die balkie wat die bladsy en ander inligting van die speltoetser aandui).

  • Ek verander die speltoetser na Afrikaans, maar hy bly terug spring na Engels toe, hoe kry ek die speltoetser om op Afrikaanse te bly?

    Omdat MS Word meer as een speltoetser in dieselfde dokument kan gebruik, is dit belangrik om jou hele dokument te merk kies (as jy net die Afrikaanse speltoetser wil gebruik in die dokument) deur die Ctrl-sleutel in te hou en dan A te tik op jou sleutelbord. Verander dan die taal na Afrikaans soos beskryf in bogenoemde antwoord. As jy nou enige plek in jou dokument rond beweeg, bly die speltoetser op Afrikaans. As jy die dokument stoor, sal MS Word onthou dat jy die Afrikaanse Speltoetser gebruik in die bepaalde dokument.

  • Is daar ‘n maklike manier om tussen Afrikaans en Engels te wissel in dieselfde dokument?

    Hierdie oplossing werk vir MS Word sowel as vir MS Outlook as MS Word gestel is as u woordverwerker vir MS Outlook. Volg asb. die volgende stappe:

    1. Klik op "View - Toolbars - Customize"
    2. Klik op "Command"-duimgids
    3. Klik op "Tools" in die linkerkantste kolom
    4. Soek na die "Language"-opsie in die regterkantste kolom (nie "Set Language"-nie, wel die ene net onder dit)
    5. Klik op "Language" en sleep dit na enige van die bestaande toolbars
    6. Klik "Close"

    Nou hoef jy in die toekoms slegs die gedeelte van die dokument waar jy die taal wil verander te kies, en dan op die beskikbare lysie die taal van jou keuse te kies. So maklik soos dit.

  • My dokument bly op die Engelse speltoetser, al het ek my verstektaal (“Default”) verander na Afrikaans?

    Jy moet onthou dat ʼn dokument gestoor word met ʼn speltoetser voorkeur. As jy dus nog nie ʼn Afrikaanse speltoetser gebruik het nie, sal die voorkeur Engels wees en sal ʼn mens die spesifieke dokument eers moet stel na Afrikaans toe en dan weer stoor.

  • Hoe wissel ek tussen die Afrikaanse en die Engelse speltoetser?

    Die maklikste manier is soos volg: In jou Word program, klik op “Tools - Language - Set Language”. Kies dan die taal wat jy wil gebruik. Klik dan ook op die "Default" knoppie. Dit sal die taal dadelik verander en ook verseker dat enige nuwe dokument daardie taalvoorkeur sal gebruik vir die speltoets.

  • Hoe kan ek sien watter weergawe van Office ek gebruik?

    Die maklikste manier om te sien of jou Office-pakket versoenbaar is, is om in jou Word-program in te gaan. Op nuwer weergawes van Word, klik op "File - Account" en kyk onder "Product Information". Ouer weergawes van Word het nog die "Help - About" opsie om jou weergawe se inligting te kry.